Guwahati, April 22 : Election Commission of India (ECI) para Arunachal Pradesh laga 8ta voting station te re-voting kuribole order disey.
Reports hisap te, etu order tu April 19 te huwa Lok Sabha election 2024 laga first phase te Arunachal Pradesh te jhamila ola nimitey diya laga asey.
Ekjun official para Press Trust of India (PTI) ke janaisey ki Arunachal Pradesh laga kunba jaga khan para larayi jhagra huwa aro EVM biya kuridiya laga reports olaisey.
Deputy Chief Electoral Officer Liken Koyu para media ke diya ekta official statement te koisey, ECI para Sunday din te diya ekta order te 8ta vote dhala station te voting huwa tu void(kaam nathaka laga ) thakisey koikina declare kurikina April 24 laga 6am para 2pm tak utu 8ta jag ate re-voting kuribole order disey.
Etu order te enaka bi koisey ki Siang district laga Rumgong assembly constituency under te thaka Bogne aro Molom voting booth te ekta re-voting hobo.
Arunachal Pradehs te 60-member assembly nimitey 50 MLA chunibole karney April 19 te total 8,92,694 voters majotey 76.44% voters para vote dhalisey.
Add Comment