Guwahati, April 22 :Ekjut khara thaka aro condemn kora laga ekta shaktishali pradarshan kora te, North Garo Hills laga Wageasi jag ate boha manu khan Monday morning te East Garo Hills laga Rongjeng Police Station under te thaka Rongil jag ate 3jun youth laga ekdam berehemi para murder huwa laga khilaf tea was uthaikina bisi dangor number te jama hoisey.
Etu 3jun murija manu tu osor te thaka Assam laga Goalpara district laga thakisey. Taikhan tu April 16 te nachiniya badmash khan laga sikar hoisey. Taikhan laga deadbody ke ekdam berehemi para felaikina adha tupaikina thakisey. April 17 te authority khan para etu 3jun manu laga julikina kala hoikina thaka deadbody pa para pura ilaka ke hilaikina rakhidisey.
Etu mamla te investigation chuli asey, authorities khan mujrim khan ke sajai dilabole aro enaka bhayanak jurum kora laga picheyte ki karon thakisey etu janibole karney lagatar kaam kuri asey.
Gusa aro eksath khara tasey koikina dikhaikina Goalpara aro Garo Hills duita para bi social organization khan para eku doubt nathakikina etu berehemi para khoon kora ke condemn kurisey. Aro muija manu laga monduk hoikina thaka parivar khan nimitey nyay aro support mangisey. Taikhan para authorities khan kemonduk hoikina thaka parivar khan laga dukh aro diktar ke kom kuribole nimitey jaruri compensation(poisa laga modod) dibole request kurisey.
Etu ghotna para pura ilaka ke chinta kuridisey aro sob manu khan milikina ahibole homoitey enaka ghotna aro nohobole nimitey action lobole demand kurisey.
Etu monduk laga ghotna huwa picheyte, nyay nimitey rally kora tu majboot hoi asey. Aro samaj te crime laga khilaf te laribole aro manu khan jibon laga raksa kuribole nimitey milikina kaam kuribole laga urgent dorkar thaka tu janaisey.
Add Comment