Guwahati, April 22 : Assam laga Chief Electoral Officer (CEO) para election laga third phase nimitey nomination file kora te bhal para jaanch kora picheyte Monday din te 8jun candidate laga nomination cancel kuridisye koikina announce kurisey. Etu 8jun majotey duijun tu Guwahati Lok Sabha constituency para asey.
Assam laga CEO laga hisap te, voting hobole thaka 4ta jaga te contest kora candidate khan laga nomination cancel hoisey. Etu 4ta jaga tu Kokrajhar, Dhubri, Barpeta aro Guwahati asey, kotey third phase Lok Sabha election hobole asey.
Ekta statement te, etu electoral officer para janaisey ki Lok Sabha election laga third phase nimitey 52 candidate laga nomination paper valid(thik thak) hoisey.
Nomination cancel huwa candidate majotey Bharatiya National Janata Dal laga Nayan Das aro independent candidate Arpita Choudhury asey, duijun bi Guwahati Lok Sabha seat nimitey contest kuri thaksiey.
Hoilebi dusra bisi candidate khan laga nomination swikar hoisey. Jaiseki BJP laga Bijuli Kalita Medhi, Congress laga Mira Barthakur, Bharatiya Gana Parishad laga Samad Choudhury, Bahujan Maha Party laga Cheyan Goyari, Ekom Sanatan Bharat Dal laga Amitab Sharma, Voters’ Party International laga Dipak Kumar, independent candidate Kazi Nekib Ahmed aro independent Col. Gokul Chadra Singha.
Add Comment