Insigne Toh Aha Season Napoli Te Thakibole Najane

Agencies:

Lorenzo Insigne toh aha season Napoli te thakibole doubt thaka janaishe. Tai para koishe ke judi tai para mana kuribole napara offer dusra club khan para dile toh tai Napoli te thakibo na nai najane koishe.

Italy forward toh tai laga pura (entire) career toh Napoli ke he dishe. Marek Hamsik para Napoli ke chari kena ja pichete Insigne toh Napoli laga captain ase.

Insigne koishe ke moi toh Serie A chari kena bhi jabole pare.

Insigne para Corriere dello Sport ke koishe ke moi toh etiya 28 saal ase. Aro enika hubole bhi pare ke moi toh mana kuribole napara offer bhi paboile pare.

Moi para ke kuribole pare moi dekhai dishe. Aro manu nkhan ase kun moi laga kaam bhal pai.

Napoli toh Serie A te dusra position te ahibole nimite Insigne para leagu te nouta (9) goals mari kena modot kurishe. Hoile bhi Juventus toh title jeetibole osor hoi jaishe.

Carlo Ancelotti laga side toh Europa League jeetibole etiya bhi kosis kuri ase. Napoli toh Europa League quarter finals te Arsenal khilaf te khelibole ase.