November 17, 2023 : Itu upcoming Hornbill Festival laga view tey, aru domestic aru international tourists para visit kuria laga, ekta inter- departmental coordination meeting loishey, raasta laga safety opor tey, kuntu toh hoiley itu PHQ Kohima laga mini conference hall tey para loishey, koi asey, November 15th, 2023 tey.
DIPR laga report hisap tey, itu meeting tey tohh oiley alag aspects khan laga related discuss kurishey raasta laga safety nimitey aru itu ensure kuriboley kim ki ki laga accident nahoiley mishap khan toh hoiley rukhaboley paribo itu upcoming festive season – Statehood Day celebration aru Hornbill Festival 2023 laga view tey. Itu meeting toh hoiley aru-bhi bhal inter- departmental coordination hoboley nimitey deliberate kurishey.
Itu meeting tey toh hoiley Nagaland laga DGP Rupin Sharma, Dimapur laga Commissioner Limasunep Jamir, Chumoukedima laga DCP, Kohima laga SP aru alag alag department laga representatives khan, Nagaland commissioner, transport commissioner, Dimapur Chumoukedima, Kohima laga DC aru NHIDCL bhi milai kena.
Add Comment