November 17, 2023 : Itu annual Hornbill Festival likhi di kena, kuntu toh hoiley December 1st para 10th tak hoboley asey, ekta legislator khan laga tam toh hoiley Mon district para Health anf Family Welfare (H&FW) minister, P. Paiwang Konyak para loi kena inspect kurishey Itu Naga Heritage Village tey, Kisama tey, November 16th, 2023 tey.
Konyak Union Kohima (KUK) laga members khan kun toh hoiley itu jaga tey thakishey (Konyak Morung) tey, itu legislators khan ke brief kurishey, itu Konyak Morung laga present status opor tey aru ki ki lagi asey it uke aru sundor banaboley. Itu inspection kuria pichetey, itu Mon legislators para observed kurishey ki, itu community laga Morung tey toh hoiley maximum renovation lagi asey, toilet khan bhi milai kena.
Itu KUK para koa laga requirement khan chari kena, itu legislators khan para itu bhi assure kurishey, kiman parey modod diboley aru cooperate kuriboley, itu festival laga success nimitey.
Itu Medical Minister chari kena, kun khan itu itu Morung ke inspect kurishey tai khan toh hoiley DUDA laga advisor – W. Chingang Konyak, A. Nyamnyei Konyak (MLA), Y. Mankhao Konyak (MLA), aru C. Manpon Konyak (MLA) asey.
Add Comment