March 28, 2024: Inter-District GHSS aro GHS Tournament 2024 laka valedictory function kuto Samagra Shiksha Nagaland para fund kuri shae, etu tho 27th March 2024 deh lui shae Meriema ground deh. Etu function deh Principal Director School Education, Nagaland Thavaseelan k IAS, Gust of Honour taki shae.
Valedictory function deh kotha kura time deh, Gust of Honour para Eastern Nagaland students kan keh taila thanks di shae Tournament deh participate kura karne aro sports, music aro arts laka importance deh kotha kuri shae. Tai para etu kan life deh dangor ekta role play kureh kui shae.
Tai para Nagaland Olympic aro Sports for All (SFA) laka strategic partnership highlight kuri shae. SFA tho ekta tech driven sports competition organizer ase school aro college level deh. Taikan laka aim tho North eastern state laka grassroot level deh sports ecosystem utha bole ase.
Tai para students kan keh taikan laka sobse best di b kui shae ki situation deh taki leh b aro chup chap bhal para kam kuri taki b kui shae. Tai para aro result deh depend nakuri nah process keh biswas kuri b kui shae.
Last deh, tai para sob medal winners kan keh congratulate kuri shae aro Directorate of School Education keh tai laka thanks di shae, event tho successful banai dia karne.
Program laka order tho Assistant Director T. Thechamo Yanthan para chair kuri shae aro vote of thanks tho junior Education Officer, Vinolie Medom para di shae. Inter-District GHSS aro GHS Tournament 2024 laka overall winner tho Kohima district para uthai shae. taikan, total 9 medals jiti shae.
(Kongle, IA)
Add Comment