Tehran: October mohina te Iran laga ahiya football World Cup qualifier te sabole karne Maiki khan laga fans khan ke stadium te jable dibo.
FIFA khan pora Iran khan ke 2022 World Cup laga qualifiers te maiki khan khilibole dibole karne pressure di dkakise, aro kobor hesab te Saturday tak faisla lobole karne somoy dise aro etu ke faisla lobole pariya nai koile saja pabo koi kena dhakise.
sports ministry te officials pora Sunday te koise ki maiki khan Team Melli — national team – tai khan nijor jaga Tehran’s Azadi stadium te khiliya ke sabole paribo koi kena koise.
“Maiki khan Azadi stadium te October 10, 2019 te Qatar World Cup qualifier karne Iranian national team aro Cambodia khan laga bich te khiliya match ke sabole jabo paribo ,” Jamshid Taghizadeh, sports ministry laga legal and provincial affairs laga deputy pora koise.
“Legal ban nai (Maiki khan stadiums te jabole karne) aro etya jai dhakiya infrastructure ke manibole lake,” tai pora kowa, state news agency IRNA pora koise.
“Maiki khan ke moi khan pora saa toh, sob rasta te maiki khan laga kamiyab karne lagiya chise sob dyar kuri ase.”
1979 Islamic revolution pora loi kena Iran khan pora Iranian maiki khan matches sabole mana kuri dhakise, tai khan pora kowa toh moda khan pora bachai kena rakhibole lage koi kena.
Authorities khan pora boila te country te dhakiya foreign maiki khan ke toh matches sabole di dhakise.
Aro konba Iranian maiki khan select international matches te mohjut dhakiya somoy te, paki alak maiki khan ke stadiums te jaa karne dhurise.
Azadi stadium te jarta maiki khan ke olap ake te dhurise, August 18 te semi-official ISNA news agency pora khobor diya hesab te.
Add Comment