Kolkata: Former champions ATK pora Saturday te players Dheeraj Singh Moirangthem aro Sehnaj Singh ke ahibole laga 20 October suru hobole laga Indian Super League karne sign kurise koi kena janaishe.
19 umar goalkeeper Dheeraj Singh, India te dhakiya 2017 FIFA U-17 World Cup te sobse brilliant performance baa manu, ke panch sal laga contract dise, aro central midfielder Sehnaj toh eksal karne sign kurise, Kolkata contract pora statement te koise.
2018-19 ISL season te, Dheeraj toh Kerala Blasters karne khilse aro tai laga technique aro skill karne khushi paise.
Sehnaj Singh toh Gurdaspur Football Academy aro Chandigarh Football Academy te pora ahiya sobse chutu talents khiliya ekta ase.
I-League te tai Indian Arrows karne khilise aro etu biche te Mohun Bagan khan logot te 2014-15 season te khilise.
Sehnaj ke 2015 ISL karne Delhi Dynamos logot te khilibole dise. Tai ISL te Mumbai City FC karne bhi khili kena ase. Etu bar ATK te midfield te khilibo.
Lalhmangaihsanga Ralte, Sena Ralte, Arindam Bhattacharya aro Komal Thatal khan laga contracts toh ATK khan pora aro nuton kuri dise.
Ralte ke sal karne hold kuri kena dhakise, Bhattacharya pora teen sal aro Thatal te dui sal.
Head coach Antonio Lopez Habas pora team khan laga training karne 2 September te janai dibole ase.
Add Comment