TEHRAN, IRAN |: Iranian Foreign Minister Mohammad Javad Zarif para tai laga resignation toh Instagram duwara tender kurishe. Iranian Foreign Minister Mohammad Javad Zarif toh 2015 nuclear deal laga lead negotiator thakishe. Khobor hesab te President Hassan Rouhani toh tai laga decision toh suikar (accept) kura etiya tok eku sign nai koishe.
Monday din te unexpected message aha te Zarif para tai laga nopungcha (shortcomings) khan nimite maaf mangishe. Etu kotha te parliament laga prominent members khan Rouhani ke call kuri kena resignation toh suikar nokuribole koishe.
Zarif laga umar toh etiya 59 years ase. Zarif toh Rouhani laga foreign minister hesab te August 2013 para serve kuri ahi ase. Tai toh hardliners khan khilaf para lagatar pressure aro criticism lok pai ase. Etu hardliners khan toh West logote deteete kura policy toh oppose kure.
Zarif para Iranians aro “respected officials” khan para tai laga saath jua 67 moina tok diya nimite tai khan ke dhaniyabad dishe.
Zarif laga resignation toh informed source para confirm kurishe. Hoile bhi tweet te Rouhani laga chief staff para koishe president para resignation accept kura toh ekdam para mana kurishe.
Resignation toh Syrian President Bashar Al-Assad para Tehran te achanak para visit kura laga olop ghonta pichete hoishe.
Hoile bhi semi-official ISNA News Agency laga khobor hesab te Zarif toh Assad laga ekta meeting te bhi hissa luwa nai.
Add Comment