HANOI: Monday din te Australian comedian kun North Korean leader Kim Jong Un ke impersonate kure koishe authorities khan para tai ke Vietnam para jabole de ase. Etu toh asol Kim na-aha laga 24 hours agote kurishe. North Korean Leader Kim Jong Un toh second summit meeting U.S. President Donald Trump logote thaka nimite ahishe.
Kim genika deha manu laga naam toh Howard X ase. Tai khan toh Friday din te Vietnam laga capital Hanoi te ahi kena thakishe. Tai logote tai laga partner kun Trump ke impersonate kure tai bhi ahi kena thakishe.
Asol duita leader toh Hanoi te Wednesday aro Thursday te lok kuribole ase. Etu toh second nuclear summit meeting nimite ase.
Kim genika dekha manu para koishe ke North Koreans khan toh sense of humour nai. Etu kotha toh tai desh nachara agote Hanoi laga airport te koishe.
Ketiya Trump aro Kim tai khan laga sob para poila summit meeting nimite Singapore te lok kurishe. Etu samay te bhi tai khan genika dekha manu toh Singapore te bhi jai kena thakishe. Etu toh June moina te ase. Aro tai khan toh satirical stunts perform kurishe. Tai koishe authorities khan para tai ke olop samay nimite dhuri kena rakhishe.
Add Comment