Jerusalem, March 26, 2026: Israel para Thursday te koi she ki, tai khan para Commodore Alireza Tangsiri ke morai de she. Tangsiri toh Iran laga Revolutionary Guards laga head thake she, tai para he strait of Hormuz toh bon kurea toh sa ase.
Israel laga Defence Minister Israel Katz para koi she ki, Tangsiri aro alak senior officials khan ke morai de she, rati laga hamla te. Iran para tai murea toh opor te eku khota koi nai etia tuk.
February 28 te U.S.-Israel aro Iran laga war shuru hoi piche te, beshe bar Israel para announce kure she ki, tai khan para Iran laga beshe top officials khan ke morai de she, supreme leader Ali Kamenei aro Islamic republic secuirty chief Ali Larijani ke be morai de she.
Ja din khan te, Israeli laga forces khan beshe hamla kurea ase Iran opor te, tai khan Iran laga naval assets te aim kurea ase. Ja hafta te, Israeli laga hamla te, Iranian khan laga naval ships beshe lage she Caspian Sea te, hamla te missiles systems thakea ship, sypport vessels aro patrol craft khan lage she.
Add Comment