Seoul, March 26, 2026: North Korea aro Belarus laga leaders para ‘friendship aro cooperation’ treaty toh sign kure she Thursday te, President Lukashenko ahea homoi North Korea te.
North Korea toh Russia ke modok kurea ase Ukraine ke dure bole, 2,000 North Korea soldiers neshe na mure she koi she. Duata nation be Western sanctions laga betor te ase, tai jun human rights khan violate kure she koi she. Duata country laga leaders ja sal lok pai she China te.
Belarusian state laga news agency para de khai she Mr. Kim aro Mr. Lukashenko hug kurea, welcome programme te, Wednesday te. Mr. Lukashenko toh dua din karne North Korea te ahe she. Tai artillery salute aro goose-steeping soldiers para welcome kure she.
Mr. Lukashenko toh Kumsusan Palace of the Sun te jai she, kute Mr. Kim laga baba aro bure baba laga cemetery ase. Mr. Lukashenko, kun 71 sal ase, tai 1994 te para Belarus rule kure kena ahea ase. Tai khan Russia ke modok kurea ase Ukraine war te. Minsk toh launchpad hesab chola ase, aro Russian khan laga nuclear missiles khan toh Belarus te rukhe kena ase.
Add Comment