November 17, 2023: Israel soldiers kan para Gaza laka Al Shifa hospital deh ekta tunnel shaft pai shae kuto Hamas kan para chulai taki shae. Prime Minister Benjamin Netanyahu para Hamas kan manu kan keh safe jaka jabo nadia karne civilian casualties komti kuri bole koshish kura tho fail hui shae kui shae.
Israel kan para Hamas kan Al Shifa hospital laka niche deh tunnel laka network banai nah ase kui shae weapons kan store kuri bo karne aro hostages kan duri bo karne. Hoile b Hamas kan para enaka nahoi kui shae.
US Television laka CBS News para Netanyahu keh Israel kan hazar nishi nah Palestinians kan keh mura tho nutun generation laka pitor deh hatred ani bo nah nai hudi shae. Aro tai para etu kui shae,” civilian kan mura tho tragedy ase. Enaka eku hobo nalageh husa tho kile koile mukan ki kuri bo pareh sob kuri ase civilian kan namuri dibo karne hoile b Hamas kan para muri bo di ase.”
Army kan para ekta video release kuri shae. Etu video deh Al Shifa laka bahar deh tuneel deh gusi bole ekta jaka taki shae. Etu video tho Reuters kan para husa ase nah nai etu tho confirm kuri bo para nai. Army kan para hospital deh ekta gari pai shae kui shae kuteh weapons kan bishi pai shae kui shae.
Israel laka military para ekta aircraft, Jenin deh taka militants keh mari shae kui shae kun Israel Defense Forces keh hamla kuri shae. Taikan para kom seh kom pastha militants kan muri shae kui shae. Civilians kan keh southern Gaza laka towns para bolai jabi kui nah.pamphlets b distribute kuri shae Israel para.
Add Comment