November 14, 2023 : Deputy Chief Minister – T. R. Zeliang para itu Ahuna Festival celebration grace kurishey, tai tatey chief guest buhi kena, Zunheboto District tey, kuntu toh hoiley 14th November 2023 tey celebrate kurishey.
Itu Deputy Chief Minister toh tai laga speech tey koishey ki, khan Ahuna Festival he celebrate kuria ekla nahoi hoilebi Golden Jubilee bhi celebrate kuri asey, Zunheboto District laga. Tai para koishey ki, itu Naga manu laga festival khan tey toh hoiley unique feature aru ability asey itu community laga sob section ke, eku distinction nathaki kena. Tai para koishey ki, sob tribe khan logotey tai khan laga nijey laga festival khan asey kuntu toh hoiley alag alag muhina khan tey celebrate kuri thakey saal laga nijey laga story aru significance thaki kena. Tai para aru koishey ki, itu rich tradition aru practices khan toh hoiley preserve kuriboley lagey aru eneka he celebrate kuri thakiboley lagey aru jawan chukra chukri khan ke shikhai jaboley lagey. Zeliang para koishey ki, Zunheboto kuntu toh hoiley Land of Warriors koi kena jani pai, utu toh hoiley bishi dangor dangor personalities khan laga cradle asey, alag alag field khan tey, kun khan para toh hoiley significant para contribute kurishey itu State laga growth karney.
Itu celebration tey toh hoiley alag alag cultural gaana khan aru dance khan kurishey : Alahuto colony (Ahuna display), Laghilato colony (Folk dance, man), Project colony (Thishele), Amiphoto colony (Folk dance women) aru South point colony (Indigenous song) para.
Add Comment