December 1, 2023: Israel kan para Hamas kan Israel jaka deh fire kuri nah temporary truce tho bangai di shae kui nah accuse kuri shae aro etu kura karne Israel laka military kan Hamas laka against combat operations chalu kuri dishae kui shae. Friday din Gaza laka jaka deh jhor para jakara hui ase kui nah report kan ahi shae.
Sath din laka pause kuto November 24 deh shuru hui shae, eti pause tho tuita exnted hui jai shae aro etu pause para Gaza deh taka hostages kan release kuri bole pari shae. Pause para Strip deh humanitarian aid kan b ani bole di shae.
Truce kotom nahua ti e deh Israel kan para Gaza deh fire hua laka ekta rocket keh intercept kuri di shae kui shae, Hamas kan para etu kobor deh eku comment kura nai. Israel Military kan para taikan laka jets kan Gaza deh taka Hamas targets kan keh strike kuri ase kui nah confirm kuri shae. Social media deh taka photos kan deh kala dunga kan diki taki shae Jabalia camp laka upor deh.
United nations human rights chief para Israel aro Hamas laka majo deh aro war continue huishae kwa tho mun duk kuri di shae kui shae taila. “Sob parties aro states kan kun taikan lokot deh influence ase, taikan keh aro ceasefire ani bole koshish kuri b kui nah hudi ase mui,” Volker Turk para ekta statement deh kui shae.
Alak side deh Iran para war tho aro shuru hua karne Israel aro United States keh botnam di shae. “15,000 Palestinians kan keh murai dia piche deh, Zionist vampire kan aro American laka support lokot deh mura bole aro ekta round shuru kuri di shae,” Iran laka foreign ministry spokesperson Nassert Kanani para kui shae X deh.
Add Comment