Tel Aviv: Israel para ceasefire agreement hisaab te tai khan laga main border crossing logote Gaza strip khulidishe .Etu kotha ola toh ek haafta pichede Israel-Gaza border te chamela ola pichede huwa ase .Etu time te etu border toh May 7 para 9 tak Memorial Day aro Independence Day nimete chuti thakishe .
“Aji (Sunday ) Erez aro Kerem shalom crossings khulibole ase regular operating hours nishena “COGAT, Israeli military body Palestinian territories khan nimete responsible thaka toh Saturday rati te statement dikena janaishe .
Northern Gaza te thaka Erez toh civilian traffic nimete main traffic ase .Aro Kerem Shalom para commercial saaman khan ahe.
Etu move kura toh Israel khan Friday din te 12-mile Palestinian fishing zone Gaza Strip te restriction hataidishe .Etu para chamela ola time te Egypt-brokered ceasefire shuru kurishe .
Al Jazeera kuwa hisaab te komti hoilebi charta Israelis aro 25 Palestinians khan etu te duita bacha bukha maiki aro tinta bacha khan violence time te murishe .
Palestinians khan para komti hoilebi 700 projectiles khan thakishe Isreal khan marishe May 4 aro May 5 te marishe.Aro Israel khan airstrikes khan kurikena jawab dishe .
Friday din UN Middle East peace envoy Nickolay Mladenov Hamas leader Ismail Haniyeh logote kotha kurishe aro kaam kuri ase Israel aro Hamas majhotte kotha kurishe aro chamela khan nakuribole nimete koishe .
Hoilebi Israel Prime Minister Benjamin Netanyahu para koishe ki Gaza te fighting kura toh etia tak bi khotom huwanai.
Israeli authorities khan aro bi koishe ki fighting toh aro bi shuru hobo .
Add Comment