New Delhi, October 26 : Kashmir Police para Thursday te ekta bayan te koisey ki Jammu and Kashmir laga Kupwara district te thaka Macchil koikina ekta jag ate thaka Line of Control (LAC) te Lahkar-e-Tayyiba koikina ekta atangwadi group laga 5jun atangwadi ke moraidisey.
Kashmir police para taikhan laga talshi kuri thaksiey.
Etu encounter laga jankari dikina, Kashmir police para X(Twitter) te enaka post kurisey, “KupwaraEncounterUpdate : Lakhar-e-Tayyiba (LeT) laga aro tinta (03) atangwadi ke moraidisey(etya total 5jun hoisey). Taikhan laga pehchan kuri asey. Talashi chuli asy. Jankari tu di thakibo : ADGP Kashmir.”
Indian Army laga Chinar Corps para bi X laga ekta post te etu encounter laga jankari share kurisey aro koisey, “ OP KUPWARA : Indian Army para launch kora ekta Joint Operation te, Jammu and Kashmir police aro Intelligence agencies para 26 Oct 2023 te ekta Joint operation launch kora te savdhan hoikina thaka Army khan para Kupwara fale thaka LoC fale etu atangwadi khan laga plan ke nakamyab kuri disey.”
Juwa moina, enaka ekta ekey operation te Jammu and Kashmir laga Baramulla district te, security forces khan para 3jun atangwadi ke moraidisey.
Add Comment