New Delhi, October 26 : Qatar laga ekta court para pila laga 8jun Indian Navy ke death penalty(mora laga sajai) disey kun khan ke Qatar te ek saal para bisi arrest kurikina rakhi thakisey. India laga sarkar para etu Indian manu khan ke enaka sajai diya laga opor te shock janaisey aro etu Indian manu khan ke tatey para churabole nimitey sob available thaka kanooni option explore kuribole kosom khaisey.
Etu sajai pabole thaka 8jun manu majotey somman paikina thaka officer khan bi asey kun khan para India laga war khan te chola dangor ship khan ke command kurisey. Taikhan tu AI Dhara Global Technologies and Consultancy Services nimitey kaam kuri thaksiey. Etu tu ekta private company asey kun para Qatar laga army aro security agency khan ke training aro etu logotey jurikina thaka service khan di thakisey. Taikhan laga bail laga request tu bisi bar reject hoisey aro Qatari authorities khan para taikhan ke arrest kurikina rakha laga homoi tu bisi bar baraidisey.
Commander (retired) Purnendu Tiwari, kun etu arrest hoikina thaka Indian majotey ekjun asey tai tu AI Dhara laga managing director hoikina kaam kuri thaksiey aro navy logotey kaam kuri thaka homoitey bisi alag alag warship (war te chola jahaj) khan ke command kurisey.
Ministry of external affairs para ekta bayan te enaka koisey, “ Amikhan para jankari paisey ki Qatar laga Court of First Instance para aji AI Dhara Company laga 8jun Indian employee shamil thaka ekta case te faisla hunaisey. Amikhan tu death penalty(moraidiya) laga sajai huna para bisi asurit hoikina asey aro detailed judgement nimitey rukhi asey.”
Aro koisey ki taikhan tu etu manu khan laga parivar khan logotey kotha kuri asey aro taikhan ke tatey para churaikina anibole karney sob kanooni option bisari asey.
Etu mamla laga jankari thaka kunba manu koisey ki etu 8jun manu ke jasoosi kora laga iljam te dhurisey. Qatari aro Indian authorities khan para kitya bi etu manu khan laga against te charges laga la detail jankari diyanai. Etu manu para koisey ki Qatari authorities khan para ekjun Indian journalist aro tailaga maiki ke etu case te report kora nimitey Qatar ke charikina jabole order disey.
Etu 8jun Indian manu laga first trial tu March last fale hoisey.
Add Comment