JAMMU: Friday din te Pakistani sipai khan para hamla kura nimite teenta manu khan jokom paishe. Etu te duita toh maiki thakishe. Pakistani sipai khan toh agay te thaka posts aro civilians jaga te hamla kurishe aro Line of Control (LoC) jaga khan te chutu hatiyar khan para hamla kurishe. Etu larai toh Jammu aro Kashmir laga Poonch jaga te hoishe. Indian sipai khan para bhi Pakistan khan khilaf te ekdam bhal para hamla kurishe.
Officials koishe ke Pakistan khan toh ekdam bhari hatiyar khan estimal kurishe aro bombs khan loi kena manu khan thaka jaga ke nisana kurishe. Manu nkhan ke bhor bhitor te thakibole adesh dishe.
Officials koishe ke Pakistani sipai khan para hamla kura samay te teenta manu khan jokom hoishe. Etu te duita maiki thakishe. Tai khan laga naam toh Tasveer Akhtar, 19, aro Shabina Akhtar, 18 thakishe. Tai khan toh Chapprian bosti para thakishe. Khobor hesab te tai khan ke hospital te rakhi kena ase.
Add Comment