Karnal: Thursday din te ITI student toh rasta te bus para chipi kena muri jaishe. Etu nimite khong (angry) uthi kena thaka students khan toh Friday din te etu ghatna khilaf te protest kurishe. Sources koishe ke protest toh ekdam biya hoi jaishe.
Khobor hesab te students khan laga group toh highways khan toh bon kuri dishe. Aro police ke postmortem kuribole laash (body) toh loi jabole diya nai.
Protest kuri thaka students khan toh police khan opor te pathor khan felaishe. Etu nimite police khan apra students khan opor te lathi charge kurishe aro students khan ke khedabole (chase) nimite police khan para teargas bhi marioshe. Sources koishe ke etu ghatna te police aro students khan bhi jokom hoishe koishe.
Friday din te Superintendent of Police (SP) Surender Bhoria para media khan ke koishe ke jua din te Karnal te rasta hadsa te ekta student murishe. Students khan toh etu nimite protest kuribole agay ahishe.
Portest kuri thaka students khan toh bus laga driver khilaf te action lubole mang kuri thakishe. Aro students khan para koishe ke rasta te chuli thaka bus drivers khan lag adat toh khushi napai koishe.
Add Comment