Mumbai, 9 July : Bollywood actress Janhvi Kapoor etiya social media te bishi charcha te ase, karon tai nijor dangor boin Anshula Kapoor laga wedding reception te ek special surprise dise. Hindustan Times report hisab te, Janhvi traditional saree pindhi function te jai thakile, fans khali tai laga dress nohoi, tai laga mehendi design uporte bi nazor dise.
Tai laga mehendi bhitor boyfriend Shikhar Pahariya laga nickname “Shikhu” khub sundor dhang te lukai likha thakise. Fans khub jaldi etu notice kori social media te photos viral kori dise. Bishi manu etu ke Janhvi pora relationship official nakoilebi, ek sweet gesture kuina reaction dise.
Report hisab te Janhvi aru Shikhar bishi saal pora ekjon arekjon ke chini ase. Majote duijon alag hoise kuina khobor uthise, kintu 2023 pichete duijon ke bar bar eki logot dekha pichete relationship abar strong hoise kuina speculation ahise.
Itu first time nohoi ke Janhvi Shikhar ke publicly hint dise. Agebi tai “Shiku” likha necklace pindhi appearance dise aru television show tebi accidentally tai laga naam mention hoi jaise.
Reception laga photos social media te bishi viral hoi ase aru fans duijon ke compliment kori ase. Entertainment duniya te etu romantic gesture etiya bishi alochona laga bishoy bani ase.
