Agencies, 24 April: Ekta tour boat te 26 manu thaka toh Saturday te northern Japan te dupishe. Etu khobor toh coast guard para koise. Seven khonta opor search bechite jina manu khan powa nai koise. Search te six patrol boats aro four aircraft meli kena thakise koise.
Coast guard para ektum bhujor samai te 19-ton Kazu 1 para emergency call kora te ship te paani bhorta hoise aro dupa suru howa janai deya thakise koise. Etu boat toh western coast of Shiretoko Peninsula, Hokkaido laga northern island te trave kori thakise koise.
Etu bechae para tour boat toh contact lost hoise koise. Etu boat para 24 passengers aro tuita crew bokhi thakise koise.
Noon te bhari waves aro gara hawa toh area te thakise local fisheries cooperative hisab te. Japanese media khobor te fishing boats toh noon agae mosoum beya nemite port te korai ahha thakise koise.
NHK public broadcaster para 3 meters (9 feet) high tak laga high waves nemite warning deya toh thakise koise.
Add Comment