New Delhi, 28 May : Jungkook kun laga Instagram account achanak disappear hoi jaa piche BTS ARMYs majot pura panic hoise. Fans khub confused hoi thakise account delete korise na suspend hoise.
Wednesday din Jungkook kun laga social media situation internet te viral hoi jaise juntu time te fans notice korishe ki tai laga Instagram account aru dikhabole nai. Pichete May 27 te Jungkook nijor TikTok account te ekta screenshot share kori khali “?” likhi reaction dishe, jitu tai laga nijor confusion bhi dikhaishe.
Tai TikTok story te ekta notice kun screenshot share korishe aru background audio hisab te BTS kar song “No.29” use korishe. Notice hisab te, jodi Jungkook 180 din bhitor review request nakore, tai laga account pura harai jabo. Suspension date May 27, 2026 kuina mention kori thakise.
Instagram taraf pora koise ki account tu intellectual property rights aru trademark policy follow nakorar karone restrict korise.
Itu first time nohoi. Jungkook agey te February 2023 te nijor Instagram delete kori dise jitu time te tai laga 52.4 million followers thakise. Jaa saal July te notun account khulise aru quickly 21.61 million followers ulaise suspend hua age.
BTS — RM, Jin, Suga, J-Hope, Jimin, V aru Jungkook mila — military service piche etiya global popularity revive kori ase.
Group March te studio album “Arirang” release korishe aru “BTS The Comeback Live Arirang” concert bhi korishe, jitu military service complete korar piche tai laga first global concert ase aru Netflix te stream hoise.
Tai laga fifth studio album “ARIRANG” U.S. Billboard 200 chart te No. 1 te debut korishe 641,000 equivalent album units logot opening week te. Itu BTS kun laga seventh Billboard No.1 album hoise.
BTS etiya June 13 te Busan Asiad Main Stadium te ekta massive anniversary concert announce kori ase, jitu worldwide cinema te live broadcast hobo. Itu “ARIRANG World Tour” kun laga part ase, jitu Korean act majot ekta bishi ambitious world tour kuina koise.
Group recently American Music Awards te “Artist of the Year” bhi jitishe. Itu pichete BTS, Madonna aru Shakira logot FIFA World Cup halftime show te co-headline koribole set hoi ase.
