Mumbai, 28 May : Katrina Kaif aru Vicky Kaushal nijor newborn baby boy Vihaan laga privacy protect koribole khub careful step loise, almost Virat Kohli-Anushka Sharma aru Kiara Advani-Sidharth Malhotra pair nisina.
Monday din Mumbai airport te paparazzi logot ekta rare interaction time te Katrina aru Vicky nijor baby boy Vihaan ke introduce korishe. Couple tu city pora jet out kori thakise jitu time te photographers Vicky laga photos tulibole parise, kintu Katrina request korishe kitia tai Vihaan ke kole loi thaka time te tai laga aru baby laga photos nakhule.
Hoi bhi, couple tu paparazzi ke first time nijor newborn son logot meet koribole dise. Itu Katrina aru Vicky laga karone ekta bishi rare public moment ase, karon duijon usually nijor personal life spotlight pora dur te rakhe.
Itu bhi first time ase jitu time te couple openly clear kori dise ki nijor baby laga privacy protect koribole bisare aru public te Vihaan laga photos share nakoribole request korishe.
Katrina aru Vicky December 9, 2021 te Six Senses Fort Barwara te intimate ceremony te shaadi korishe. Relationship tu official shaadi kuria age pura secret rakhi thakise.
Work front te, Vicky recently blockbuster film Chhaava te act kori India laga highest-grossing films majot ekta dise. Laxman Utekar direct kora historical drama tu worldwide box office te ₹807 crore collect korishe.
Vicky etiya next Love & War te dikhabole jabo, jitu Sanjay Leela Bhansali direct kori ase. Film te Ranbir Kapoor aru Alia Bhatt bhi ase. Katrina last time Merry Christmas te dikhaise
