Guwahati, March 26 : March 26 te huwa ekta darawna ghotna te jungli hathi laga ekta jhund para ekta 7 saal laga baccha ke chapaikina moraidisey. Etu ghotna tu Assam laga Goreswar jaga te hoisey.
Goreswar koikina ekta jaga te jungli hathi khan khatra para polai thakisey aro manu khan nimitey dangor diktar anidithakisey. Kilemaney rajya te hathi aro manu laga bich te jhamila ola laga bisi report bari asey. Aro etu jhamila te manu khan laga jaan bi jai asey.
Ekta report hisap te ekta alag chutu chukri bi tai fale ahithaka jungli hathi laga jhund para bachikina polabole kosis kora homoitey jokhom paisey.
Jankari pa hisap te etu jungli haathi khan tu Chandra Daimary koikina ekjun manu laga ghor te pungchisey. Etu haathi khan para etu Chandra Daimary laga ghor ke barbad kuridikina tai laga 7 saal laga chukri ke chapaikina moraidisey aro tailaga dusra wala chutu chukri ke biya para jokhom kuri disey.
Chandra Daimary laga jokhom paikina thaka chukri ke Guwahati laga Gauhati Medical College and Hospital (GMCH) te serious halat te loijaisey.
Assam te poila kitya bi nuhuwa laga manu aro hathi laga jhamila laga case tu bari asey.
Olop din agotey March 21 laga rati te Assam laga Nagaon district laga Kaliabor town te ekta junglee hathi para ekjun manu ke biya para jokhom kuridikina moraidisey.
Etu hatsa te murija manu laga naam tu Mohan Teron asey aro tai laga umar tu 40 saal asey. Tai tu Bamuni Kathal Sang te thaka manu asey. Tai logotey etu ghotna tu titya hoisey jitya tai ekta cycle cholaikina ghor wapas ahi thakisey aro taikey jungle hathi para achanak se hamla kuridisey.
Add Comment