Guwahati, March 26 : Assam laga Chief Minister Himanta Biswa Sarma para March 26 te ration card dhurikina thaka parivaar khan ke Rs 5 lakh tak laga free medical check up dibole announce kurisey.
CM Sarma para etu announcement tu tai Rangia te Rs 545.19 crore kimat laga infra-project nimitey foundation stone khara kuribole ja homoitey kurisey.
Sarma para public khan ke kotha kora homoitey koisey ki Pradhan Mantri Ayushman Bharat Scheme aro Mukhya Mantri Ayushman Bharat Scheme laga under te ration card dhurikina thaka parivaar khan tu etya saal saal te Rs 5 lakh tak free treatment pabo.
Tai para agey barikina koisey ki ration card nudhurikina thaka parivar khan ke etu saal te ration card dibo. Taki manu khan para National Food Security Act (NFSA) laga under te free chawal aro daal pa laga laab uthabo paribo.
Manu khan para Pradhan Mantri Awaas Yojana laga under te ghor napa laga complaint kora te CM Sarma para koisey ki etu saal para suru hoikina rajya laga sarkar para Mukhya Mantri Awas Yojana suru kuribo. Etu laga under te dukhiya parivaar para aha manu khan ekta ghor pabo.
Add Comment