BHOPAL/JABALPUR: Madhya Pradesh laga Chief Minister Kamal Nath opor te school headmaster para biya kotha kuwa nimite Suspend kuri kena thakishe. Etu suspension toh CM Kamal Nath para koi kena headmaster laga suspencion cancel kurishe.
Ekta statement te CM Kamal Nath koishe ami teacher ke maaf kuri ase.
Thursday te district collector para Mukesh Tiwari ke suspend kurishe. Mukesh Tiwari toh government para chola Kanishta Buniyadi Middle School laga headmaster ase. Kanishta Buniyadi Middle School toh Jabalpur te ase.
Tiwari para school laga meeting te Kamal Nath ke “daku” (dacoit) koishe. Mukesh Tiwari ke collector Chhavi Bharadwaj para suspend kurishe. Collector Chhavi para etu suspension action toh social media te video deka pichete hoishe. Collector Chhavi dekishe ke Mukesh Tiwari purportedly etu comment CM Kamal Nath opor te kurishe.
Mr Nath Saturday te ekta statement te koishe etu ghatna laga kotha huni kena tai Mukesh Tiwari laga suspencion order toh revoke kuribole officials khan ke direct kurishe.
Chief Minister koishe ami toh freedom of expression laga favour te hodai ase. Mukesh laga opor te etu action luwa toh rules laga hesab te toh thki bhi hubole pare hoile bhi ami taike personally maaf kuri ase.
Mr. Nath koishe ami district administration ke suspension wapas lubole direct kurishe. Mr. Mukesh toh tai nijor decide kuribole lagay ke tai toh democratically elect kora Chief Minister opor te thik kotha use kurishe na nai.
Collector Bharadwaj PTI koishe show-cause notice response te teacher toh maaf mangishe koishe. Aro Chief Minister bhi tai ke charidibole decide kurishe koishe aro Mukesh opor te suspension order diya bhi wapas loishe koishe.
Add Comment