NEW DELHI: Mumbai laga engineer toh Jammu aro Kashmir laga Ladakh jaga para miraculously bachaishe. Engineer toh manu khan laga group logote para trekking kuri kena wapas ghurai kena ahi thakishe. Wapas aha samay te tai laga thang nimite thaka ice toh bhangi jaishe. Etu nimite tai toh ekdam thanda nodi paani te geri jaishe. Indian Air Force laga trekking team etu samay te engineer gera jaga laga osor te he thakishe. Aro osor te thaka nimite Air Force khan para engineer ke bachai loishe. Air Force khan etu ghatna opor te social media te koishe engineer ke etu samay te bachabole kun manu bhi thaka nai koishe.
Air Force para etu engineer laga video bhi post kurishe. Etu engineer laga naam toh Sagar ase. Sagar para etu ghatna kenika hoishe etu koishe aro air force ke tai ke bahca nimite thank you koishe.
Osor air force base laga saatta trekking team personnel khan Sagar ke bacha bole rosi aro dusra safety equipments khan estimal kurishe.
Sagar toh Chadar trek laga hissa thakishe. Etu toh usually winter season te hoi thake. Etu te Leh region laga Zanskar nodi cross kora involve ase. Leh laga Zanskar nodi toh Indus nodi laga tributary. Zanskar nodi toh thanda season te froze hoi kena thake.
Add Comment