Kashmir Police para 21 Pro-Palestine protestors thurishe

Srinagar: Saturday din Indian-controlled Kashmir te public order beya korikena  Israel aro Palestinians majot Gaza te larai kori thaka nemite protest kora te 21 manuh ke thurishe koishe. Police para statement te koishe ke, kaun manuh para Kashmir te public shanty thaka samai disturb kora khan ke sai ase. Police para statement te koishe, public dukh toh buchi ase hoilebi etu nemite jamila olabo nathibo koishe. Kashmir jaga toh Muslim-majority thaka India aro Pakistan hoishe. Kashmiris khan para Palestinians logot support ase etu nemite Gaza te larai soruh beche tangor anti-Israel protests kori ase. Police inspector-general Vijay Kumar para reporters logot koishe ke, Srinagar main town te 20 manuh ke thurishe aro ek jun ke southern Kashmir te bosti ekta para thurishe. Police officer para department policy te koishe ke, 21 jun ke social media posts te anti-Israel protests samai part lowa nemite aro Gaza aro Jerusalem te Palestinians manuh ke morom thika nemite thura ase koishe. Etu manuh khan ke tai khan laga ghor manuh osor te aha din te etu neshina kam nakoriboli kotha mana beche jaribo,” koikena officer para janaishe. Officer para koishe ke, etu thura pithor te Sarjan Barkati,  Muslim cleric aro tangor anti-India activist aro artist khan be samil ase koishe. Etu artist para Friday din Srinagar te bridge ekta te pro-Palestinian graffiti bona nemite thurishe, etu manuh para maiki ek jun Palestinian flag mask lakaina soko paani kerikena “ami khan Palestine manuh ase” lekishe, etu beche police para graffiti oper te aro painted korishe. Jowa Monday din Israel para Gaza te airstrikes hamla korishe, etu oper te Palestinian militants para hundreds rockets neshina Israel logot marikena ase koishe.