New Delhi: Saturday din te Delhi government para tinta(3) municipal corporations pithor te healthcare workers aro dosura employees khan logot salaries thiboli nemite Delhi government para 1,051 crore junai thishe. Deputy Chief Minister Manish Sisodia para virtual meeting samai koishe ke, lockdown nemite besi dukh thaka samai, Chief Minister Arvind Kejriwal para etu fesla toh bemari logot larai kori thaka manuh khan ke salaries thiboli koishe. Civic bodies laga Doctors aro dosura employees khan municipal corporations pithor te “mismanagement aro corruption” thaka nemite salaries napaikena ase, koikena eut kotha toh Aam Aadmi Party leader para junaishe. South Delhi Municipal Corporation, East Delhi Municipal Corporation aro North Delhi Municipal Corporation te sob BJP-led civic bodies ase koishe. “Delhi government para tinta(3) municipal corporations pithor te tai khan laga employees salaries nemite 1,051 crore thishe”. “east corporation te 367 crore, north corporation te 432 crore neshina aro south corporation te 251 crore paboli,” tai para janaishe. Minister para aro koishe ke, civic authorities khan para etu fund toh tai khan laga employees logot salaries nemite jolaboli laki, dosura kam te putli nakoriboli laki”. Etu samai, North Delhi Mayor Jai Prakash para koishe ke, “besi tangor pressure” nemite Delhi government para tinta(3) corporations nemite poisa toh released kora ase. Chief minister logot etu tinta(3) civic bodies para besi paar letter lekishe aro Lt governor para funds toh release koriboli koishe. Delhi te Friday din, 8,506 coronavirus cases thurishe, ek moina beche 10,000-mark neji te keri ase. Medical experts khan para koishe ke, second wave samai cases komti howa toh lockdown kora nemite ase. Mr Kejriwal para koishe, 24 gonda pithor te cases recorded kora toh 6,500 te lamishe aro positive rate toh be 11 per cent te ase janaishe.
Add Comment