Six-time Amritsar MP Raghunandan Lal Bhatia morishe

New Delhi: Senior Congress leader aro 6 paar Amritsar laga MP, Raghunandan Lal Bhatia toh besi din bemar hoikena morishe, koikena tai laga ghor manuh para Saturday din junaishe, tai toh 100 umer te morishe. Raghunandan Bhatia toh Friday rathi private hospital te morishe, tai para jarikena jowa manuh toh bacha Ramesh Bhatia, Saroj Munjal aro chotu bhai J L Bhatia ase. Raghunandan Bhatia toh 1972 saal te Amritsar parliamentary constituency para first samai Lok Sabha te junishe aro etu beche eke seat te 1980, 1985, 1992, 1996 aro 1999 elections te aro kamyaab hoikena Indian National Congress te member thakishe. Raghunandan Bhatia para aro 2004 para loikena 2008 saal dak Kerala governor thakishe aro etu beche 2008 saal para 2009 saal dak aro Bihar governor korishe. Raghunandan Bhatia para aro 1992 saal te state laga external affairs minister kam korishe. Tai toh Congress laga ekta senior member hoikena party laga alag-alag position te thakishe, etu oper te tai toh aro Punjab unit president aro general secretary laga post be thuri thakishe koishe. Punjab Congress leader aro MLA Raj Kumar Verka para Raghunandan Bhatia mori jowa nemite mon dukh howa janaishe aro koishe ke, tai toh Indian politics laga ‘Bhishma Pitamah’ ase koikena janaishe.