Agencies, 6 September: Wednesday din U.S. Open semi-finals nemide Kei Nishikori toh Marin Cilic logode grinding 2-6 6-4 7-6(5) 4-6-6-4 pora jeta thakise. Etu par jeta pora tai laga 2014 final de hara revenge toh aro lobule parise. Etu jeta pora tai toh tennis de Japan laga first semi-final pongja khelari hoise aro meike phalli Naomi Osaka ase. Naomi Osaka toh Ukraine’s Lesia Tsurenko logode 6-1 6-1pora jeti-kena semi-finals kushise. 2014 US Open de, Cilic toh Japanese khelari Kei Nishikori logode 6-3 6-3 6-3 pora haraide kena title lowah thakise. Etu bechide Cilic toh tui-par grand slam finals pongja thakise. Hoilebe Nishikori toh aro-ketya be na-pongja thakise. Flushing Meadows de Nishikori toh phal pora aro-korai aihebole parise. Tai jowah sal wrist jokhom pai kena thaga karni U.S. Open miss howah thakise. Etu pora tai laga ranking de nama thakise aro tai Challenger-level tournaments debe khelibole ola thakise. Maike side de, Wednesday din American Madison Keys toh 30th seed Carla Suarez Navarro logode 6-4 6-3 pora jeti-kena U.S. Open semi-final de pongja thakise. Jowah sal Keys toh Sloane Stephens logode hari kena thakise. Tai etu par Thursday din Japan laga khelari Naomi Osaka logode semi-final khelibole ase. June moina Roland Garros jaga de, Keys toh Osaka logode 3-0 pora third round lead kora thakise.
Add Comment