Saurabh gold jetise aro Arjun bronze jetise

Changwonj, South Korea:Thursday din  ISSF World Championship laga junior 10m air pistol event de Saurabh Chaudhary pora gold jeta thakise. Hoilebe senior competition de Abhishek Verma toh na-para thakise aro tai eighth de kothom howah thakise. Tai khan individual de kushi-koribole para nai. Senior shooters de, Verma be meli-kena 10m air pistol event de silver jeta thakise. Asian Games bronze medallist Verma pora 583 shot mara thakise. Chaudhary’s event de Arjun Singh Cheema pora bronze loise aro Indian team pora silver loise. Australia laga nemide India laga junior men’s trap team Aman Ali Elahi, Vivaan Kapoor aro Manavaditya Singh Rathore toh meli-kena 348 shot pora silver medal lowah thakise. Senior competition de, Verma aro Om Prakash Mitharwal pora 50m pistol de gold jetise aro men’s 10m air pistol de Shahzar Rizvi toh 1738 score pora silver jeta thakise. Jowah moina Asiad de gold jeti kena thaga 16-sal khelari Chaudhary pora final de 245.5 score record mara thakise. June moina International Shooting Sport Federation (ISSF) Junior World Cup laga 10m air pistol event de Chaudhary pora first world record bona thakise. Korean Hojin Lim toh final de 243.1 score pora second de kothom hoikena silver medal jeta thakise. India team Chaudhary, Singh aro Anmol toh individual final de bonabole napari kena 1730 score pora silver lowah thakise.