September 7, 2024: Central Kenya deh, ekta boarding school laka dormitory deh jui juli jah tho 17 jun keh murai di shae, kun kan tateh gumai taki shae, police para kui shae. Citizen Television para jui tho victims kan keh eman bia para julai dia tho chini bole b napara hui jai shae kui shae.
Jui tho Nyeri deh taka Hillside Endarasha Academy deh hui shae. Etu tho ekta primary boarding school ase, jawan students kan karne.
“Jui laka incident deh mukan 17 pupils hari shae. 14 jun tho jokom kai nah ase,” police spokesperson Resila Onyango para kui shae. “Mukan laka team kan scene deh ase, itia.”
Government spokesperson Isaac Mwaura para mota kan tho grade 4 aro 8 deh taki shae kui shae. Maneh taikan laka salt ho 9 aro 13 sal majo deh taki shae. Tai para ekta statement deh dormitory tho 156 students keh house kureh kui shae. Jui tho kinaka shuru hui shae, etu tho itia b najani nah ase.
Add Comment