Police kan SFJ chief laka neighbor ghor deh jui keh investigate kuri ase

September 8, 2024: Police kan Oakville, Ontario deh taka ekta residence keh investigate kuri ase, jui jula karne. Etu residence tho secessionist outfit Sikhs for Jutsice (SFJ) laka general-counsel Gurpatwant Pannun laka ghor osor deh ase. Local news network para jui tho Thursday rati deh report hui shae kui shae aro jui para 500,000 Canadian dollars laka dam saman kan keh damage kuri di shae kui shae.  News network para Halton Regional Police keh cite kuri nah jui tho faulty wiring taka karne hui shae kui shae. Taikan para jui tho criminal karne nahoi kui nah biswas nai kui shae aro suspicious nahoi kui shae. Ghor laka residents kan keh evacuate kuri di shae aro tuita manu keh treat kuri shae, smoke inhalation karne. Ghor tho Pannun laka Canadian ghor osor deh taki shae, kun New York deh takeh. “Canadian security officials kan jui tho kinaka shuru hui shae, etu keh investigate kura piche deh clear hui jabo, accident nah arson laka crime taki shae kui nah aro kun target taki shae, etu b jani jabo,: Pannun para Hindustan Times keh kui shae. “Muila ghor deh hotai appropriate security ase aro violence laka koshish kan taki shae koile tho, Canadian law enforcement para koborjost jawab dibo,” tai para kui shae.