January 17, 2024 : Itu Kingjung Chai Kao (Clan) Khaotsaosei Hok-Ah Festival toh hoiley Chai Pokam tey para celebrate kurishey, Noklak laga Thonoknyu sub-division under tey para, 16th January 2024 tey, MLA Benei M Lamthiu tatey Chief Guest thaki kena.
Itu occasion tey kotha kuri kena, Lamthiu para tai laga Khaotsaosei Hok-Ah laga greetings janaishey, manu khan ke, aru itu SDO (C) Thonoknyu, Tsatsutsie, Major Johan – 12th Assam Rifles Choklangan laga, VG Jamatar Wui Village Tsuthong, officials aru alag khan ke bhi appreciate kurishey, attend kuria aru witness kuria nimitey itu celebration tey. Tai para koishey ki, itu festival toh hoiley asol tey celebrate kuria toh merry make kuria he asey, aru itu cultural tradition aru inheritance showcase kuriboley karney asey. Tai itu guests khan ke itu fond memory khan loijaboley koishey aru itu message toh alag manu khan ke janaboley koishey, ki, itu Naga manu khan toh, shanti-khushi pawa manu khan asey. Itu festival para, Lamthui para itu hope kurishey ki, itu toh hoiley aha din tey friendship aru unity improve kuriboley itu bosti khan bhitor tey.
Tai para itu Kingjung village laga citizens khan ke urge kurishey, aru bhi responsible hoboley karney, itu society ke build kuriboley, bhal relationship maintain kuri kena, itu sob community khan logotey.
Itu festival laga significance toh hoiley Pukhong para deliver kurishey aru M. Pukei para ekta special gaana kurishey. M. Thangou public leader, Shep Kao Convenor, Lam Kao Convenor, Chai Kao Convenor para khata khata speech khan dishey.
Add Comment