Nagaland

KLST para golden jubilee manaishe

April 6, 2019
31 Views

4th April 2019 deh Kohima Longjang Senso Telongjem Golden Jubilee toh theme ‘Mera Tasen Jangzü’ (Trumpet for a New Step) pethor deh manaishe. Molu Ki, Kohima jaga deh golden jubilee mana time deh Limawati Ao, Director Information & Public Relations para kowah toh, technology age nahowah agae deh sepai khan para dushman khan logode trumpets nahoile bugles toh signal aro warning janaidebo nemide jolaishe. Etu nesana community khan toh signals aro warnings de sabo lagi kelay koile times toh putli hoi thaga nemide. Tai para kowah toh, human development toh prehistory para suru hoise aro etu time dh putli toh asti para hoise. Hoilebe aji kali internet para developments toh ektum joldi annaishe aro etu ke toh ‘Age of Acceleration’ para jani. Etu joldi development para duniya toh ekta global village hoise.

Etu para tai Kohima Longjang Senso Telongjem logode jaija din galdi howah ke janikena ahhaibole din deh advancement, economic upliftments, tourism, education, marketing avenues, hobole janaise aro bosti manu khan logode sai kena bosti laga leaders hobole janaishe.

  1. Sashimongba Pongen para poila laga manu khan ke yaat korikena Kohima Longjang Senso Telongjem toh 4th April 1969 deh eight elders para bona ase koise aro tai khan ektum dukh korikena kaam kora ase koise. Etu para KLST logode tai khan laga footsteps follow korikena honest, hard work aro truth hobole koise.

T.N. Mannen IAS (Retd) para exhortation deya time deh kowah toh, ami khan time deh thakibo lagi aro time thek para jolabo lagi. Tai para KLST logode ekta ekta buchi kena aro ekta ekta logode morom thaki kena agae jabole koise. Er. Tsuktinungsang, Chief Engineer, Department of Water Resources para be exhortation deya thakise. Short speechs toh President, Kohima Aor Telongjem, Chiden Yaden, President, Kohima Asetkong Senso Telongjem, Supongyanger Imsong, President, Dimapur Longjang Senso Telongjem, Y. Among Jamir, President, Longjang Senso Telongjem Mokokchung, I. Ali Aier aro Longjang Village Council, Wailemba Jamir parabe deya thakise.

Function time deh Golden Jubilee Souvenir toh Phutoli L. Jamir para ola thakise. Mora khan ke hesab dekena ek minute sukhu bondh kora thakise. Programme laga main highlight deh recitation of Jubilee poetry, cultural folk songs aro special songs presentation be thakise.