Mon village para log drum dani kena 4th March 2019 deh Aoleang Mini hornbill bihu laga second din toh Mon Town jaga deh manaishe.
Bihu mana din deh Brigadier Suresh Sheoran, Sena Medal Commander 7 Sector AR, Tuensang toh guest of honour nemide thakise aro tai para duniya deh peace para he manu khan progress aro prosperity hoi koise. Tai para region deh Assam Rifle khan toh para tak peace annibo nemide ektum kosish kori ase koise.
Konyaks ke rich culture, tradition aro heritage ase koikena tai para kowah toh Angh laga mathi ke tai hesha thaga toh ektum lucky ase. Tai para be general public khan logode Assam Rifle para lagi thaga ke motob debo koise.
Tai para khobor janaideya toh, AR para Sainik School deh join hobole mon howah student khan logode sponsor aro career guidance toh de ase. Indian Army ke join hobole mon howah khan toh AR logode motob mangkibole paribo.
Special invitee Chubawati Longchar, President Ao Senden para jama howah khan logode Aos aro Konyaks majode purana rista thaga toh aro bonabole koise. Tai para etu rista toh lobo time nemide rasta harai kena ase koise.
Din laga tusara highlight deh, Phom Union, Mon Town para cultural troupe dance dekhaideya thakise, Chi Union, Longkei Union, Longwa Union, Tobu Union, Chen Union aro Mopong Hongkong para log drum mara thakise.
Add Comment