DIMAPUR, OCTOBER 7 : Minister for Planning & Co-Ordination, Land Revenue, Neiba Kronu pora tai kan PDA Sorkar kan Kohima aro Dimapur te ami kan neju state laga poisa porahi city rasta banabole ase koi kena janaise. Kele ami kan Naga manu kan rasta bhal lagi ase koi kena. Aro etu oporte ami kan Nagaland Festive Season bi punjibole hua pora.
NPF Party kan ami kan state rasta nemite kotha janaidiya ke juwab de kena etu Minister porabi September 29th te Planning Department, PWD aro Urban Department kan meeting manaise. Aro tai kan Dimapur aro Kohima te City rasta banabole kotha manaise. Etubi ami kan state te Festive Season napunja ahkete chulti pora banaidebole kuribo koi kena janaise. Aro etu oporte tai kan bi Local khobor te (Local Papers) te October darek 1&2 te etu rasta banabole laga kotha ulaidese (advertised) koi kea janaise. Etubi Rs. 119 crores bhelai kena city rasta banabole nemite. Aro etu rasta banabole kura toh ami kan Naga state laga poisa porahi banabole kura laga ase koi kena janaide thakise.
Tai bi chuti tai kan etu city rasta kan bhal te banabole barise aro Power (light) kan thik pora anedebole barise koile tusera kan toh asti porahi huilebi saidebole kuribi koi kena janaise. Tai bi NPF laga kotha ke juwab de kena etu MoRTH GOI pora jua sal rasta banabole poisa diya toh husa ase. Aro etu rasta banabole laga toh Golaghat-Chumukedima rasta aro KMC Check Gate-Lerie Gate nemite hi ase koi kena janaise. Huilebi etu 2 ta hi Kohima aro Dimapur te rasta banabole laga nahui koi kena janaise.
Etu Minister Kronu porabi PDA Sorkar kan Sorkar julabole kurikena ahke wala Cabinet meeting mana time te tai kan rasta toh banabole manise. Kele etu toh ami kan Naga manu nemite hi ase. Huilebi Parliamentary election karne Centre pora election manabole karne kotha ulaise. Aro etu oporte pani besi kerikena mousom ekdam thaka nai. Etu karne rasta kan thik pora banabole babuna kura toh nabara huise koi kena janaide thakise.
Tai bi Naga Political kotha nemite kotha manabole kura toh chulti bi hobo bari nahuile deri bi hobo bari koi kena janaise. Huilebi etu kotha nemite ami kan state kan hutai kotha kurikena thakibole lagi koi kena janaise. Tai bi ami kan Naga manu kan sob Contractors kan ke husir laga action manabole karne ahkete ahebole lagi. Aro etu Contractors kan ke hala kuribole lagi koi kena janaise. Kele etu Contractors kan pora hi ki-ki kan bhal te banai kena jabole thaka nakurikena ase koi kena.
Tai bi rasta te Traffic jam besi huikena thaka karne NPF aro Naga Public manu kan ke bhal kotha janaide thakise. Etu ke tai Kohima aro Dimapur jaka te ki huilebi chotu-chotu rasta kan banabole thaka jaka te banabole kuri ase. Aro etu nemite mon melekena (cooperate) thakibole kuribi koi kena janaise. Kele tai kan bi rasta toh bhal te banabole kuri ase. Aro etu rasta toh ahebole din tea mi kan Nagaland te bhal huijai kena dekhebole ase koi kena janaide thakise.
Add Comment