Kohima, 29 November: Thursday din Kohima district jaga deh CHILDLINE SE DOSTI campaign toh CHILDLINE Kohima pora kothom korise. Etu pora 14th November pora suru hoi kena 29th tak campaign loi thaga laga ase. Etu campain laga main aim toh bacha laga environment phal pora thakibole laga ase. Team logode volunteers aro kushi powah manu khan Kohima laga South Police Station, North Police Station aro Women Police Station jaga deh log kora thakise. Etu time deh police officials pora CHILDLINE Dosti laga posture lowah thakise. Aro tai khan etu campaign deh support koribo koikena wada kora thakise. CHILDLINE message laga posture be alag alag police station deh thala thakise. Team khan pora be etu laga message toh social media dehbe thala thakise. Kohima village jaga deh CHILDLINE Kohima khan be Kohima village students Union(KVSU) logode melikena bacha laga safe environment hosiyar toh janaideya thakise. November 29th direk deh campaign toh alag-alag institution- Loyola Higher secondary school, Jakhama Nov 28. aro St. Joseph College Jakhama jaga deh loikena kothom howah thakise. Collaboration director, Childline Kohima, Mezhi Sorhie pora CHILDLINE laga true friend hobo karni state laga sob citizen khan logode invite korise. Bacha laga protection deh sob manu hosiyar thakibo lagi aro sob manu khan wada koribo lagi, bacha ke motob lagi thaga time deh motob debo karni.
Kohima deh Childline Se Dosti campaign kothom hoise
Add Comment