Meghalaya pora ‘A’chik Whatapp Group’ deh kelaaf kori kena FIR korise

Agencies, 29 November: Police khan pora social media toh ektum hosiyar pora jolabe nahoile apuni dekthari pabo koikena hosiyar janai kena ase. Aji kali Facebook, Whatsapp aro Twitter nesana platforms deh manu khan besi phak online thaki. Online thaga time deh janikena nahoile najanikena, manu nahoile community khan logode kelaaf kori kena kotha koribo pari. Etu pora ektum hosiyar thakibo lagi.  Kelay koile etu par LST Tabha (Partha Rabha) LST Tabha (Partha Rabha) toh facebook deh mesa-mesi kelaaf korikena post kora karni dekthari pai kena ase. Tai jai-ja din phal Garo community logode kelaaf kori kena post kora thaise. Etu pora tai logode kelaaf korikena Meghalaya laga North Garo Hills district NGOc pora FIR korikena ase. FIR toh Thursday din Mendipathar PS jaga deh GSU, FKJGP, FAF, AYWO, AAYF, GSMC aro ARSU (M) pora post deh kelaaf kori kena file korise. Tai khan pora kowah toh, etu post pora tuita community majode communial tensions anise. Etu FIR koribole mana toh Mendipathar jaga deh NGOs khan meeting thaga bechide ase. Social media group, ‘A’chik Whatsapp Group’ deh 24:11 lamba video post kora bechide facebook jola manu khan community deh kelaaf kori kena post kora thakise aro etu toh sob jaga deh phelijaa thakise. Video post kora deh kelaaf kori kena kon pora post korise joldi arrest koribe koikena janaideya thakise. Jowah kali FIR deh NGO khan pora koikena thaga toh, video pora insult, outrage, aro etu opor deh communal deh neji korise. Tai pora be ami khan laga maike deh insult korise aro ami khan laga community toh neji korise koikena tai pora janaise. NGOs pora demand kora toh, law laga alag-alag section pethor deh culprit logode action lobole janaise. Kelay koile tai khan laga communal ke neji namabole kosish kora karni.