KOHIMA, NOVEMBER 17 : Nagaland Governor, Shri PB Acharya pora Kohima Raj Bhavan Journal Portal toh tai thaka asul jaka, Kohima te 17th November 2018 te kholidese. Aro tai, Nagaland Governor hisabte etu Portal toh NEPS Media Group pora ulabole kurikena ula laga ase aro etu Portal toh etu Group porahi aramse (independently) julabole kurikena sabole ase koi kena janaise. Tai bi etu Portal pora khali Governor laga ki-ki Activities kan janaidebole laga nahui. Huilebi etu khobor kan toh tusera manu kan ke bi sob janaidebole laga ase koi kena janaise. Etu oporte tai bi Journal kan laga asul Facebook Account bi ase. Aro kun-kun Governor aro Raj Bhavan laga Activities kan janibole mon ase etu kan toh etu Facebook Account te kusi kena sabole bari koi kena janaise.Etu din laga Programme toh Secretary Kohima Press Club, Alice Yhoshu pora ahkete luijaide kena manaidese. News Editor NEPS, Okenjeet Sandham pora etu Portal nemite kotha kuridese. Aro Principal Secretary, Governor nemite thaka Piyush Goyal, IAS pora toh etu Portal laga bhal kotha kan (Importance) janaidese koise.
Kohima Raj Bhavan Journal Portal kholidese
Add Comment