Parade aro Regimental Display man ate Deputy CM

KOHIMA, NVEMBER 17 : Nagaland Statehood Day toh December 1 2018 te manabole ase. Etu karne Honourable Deputy Chief Minister aro Minister for Home aro National Highways Shri Y Patton pora Parade aro tusera Regimental displays toh Nagaland Police kan pora mana te ahe kena saise (reviewed). Etubi DGP Nagaland Shri John Longkumer, IPS aro tusera Officers kanbi thaka majutte. Aro etu din mana toh NAPTC Paradae Ground te 17^th November 2018, 10:00am paji phale thakise koise.Etu din te Honourable Deputy CM aha time te General Salute janaidese. Aro etu din manabole karne Commandant NAPTC pora etu din laga Programme pora suru kuridese. Etu ke ahke Programme toh souk baan kurikena puntuk kan lakabole kura aro julabole kura (weapon handling) manaise. Etubi 7.62 SLR ,5.56 INSAS Rifle ,AKM aro LMG kan. Etu bejete Mahila Dril Platoon pora bhal Drill dekhaidese. Aro March Past toh 07 Platoons kan kobi Nagaland Police aro Nagaland Village Guards kan pora dekhaidese aro manaidese. Aro etu Parade kan manabole kura toh Asst Commandant Lucy Yhome pora ahkete luijaide kena (command) manaise. Aro aji-kali hi ahkete etu Parade manabole kura kan Hell March kan bi etu Parade te ahe kena hisha kuri thakise. Aro etu Hell March toh 03 Platoons kobi IRBs laga pora manaidese koise.Etu Parade te bi Massed Band kan kobi Brass aro Pipe Bands kan Nagaland Police, Home Guards aro Nagaland Village Guards kan laga kan hisha kurikena thakise. Aro etu Tunes kan baja te Coloney Bogey aro Scotland laga kan etu March Past time te bajaide kena thakise.Etu din te kotha kurikena Honourable Deputy CM aro Minister for Home aro National Highways Shri Y Patton pora DGP aro tai laga Team kan ke besi khushi baa aro salam diya janaide thakise. Kele etu Parade aro Regimental Display manabole karne eman bhal te mon melekena mana pora. Etu oporte Deputy CM porabi etu Parade te hisha kurikena thaka aro nakura kan Uniform lagai kena thaka kan kebi besi khushi baa aro salam diya janaise. Kele tai kan porahi etu din toh bhal te ahkete luijabole bara huise koi kena. Aro etu din nemite besi khushi bai kena etu Honourable Deputy CM pora Rs. 2 lakhs toh etu Parade te hisha kura kan ke dedese koise.Etu din laga Programme toh DGP Nagaland pora khotum kuridiya kotha kurikena aro janaide kena khotum kuridese koise.