April 23, 2024 : State Entrepreneur 2023 aru State Handicraft Award 2023-24 nimitey, facilitation program kurishey, kuntu toh hoiley Directorate of Industries & Commerce, Kohima laga Conference Hall tey para loishey, 23rd April, 2024 tey.
Commissioner & Secretary, Industries & Commerce, Kekhrievor Kevichusa para koishey utu toh hoiley bishi encouraging thakishey, itu Department nimitey, eneka nishina variety aru creativity khan saboley para toh, Naga craftsman laga, alag alag field khan para.
Tai para itu award pawa manu khan kearu department official khan keh udishey, bhal relationship maintain kuriboley karney, eneka hoiley he, itu department toh hoiley janibo, ki type laga assistant toh hoiley lagi asey, itu manu khan laga benefit nimitey. Tai para itu sob jeeta manu khan ke congratulate kurishey, aru tai khan ke inform kurishey, ki, itu department laga darwaza toh hudai khula asey, kibakibi information aru assistant khan nimitey, future tey. Director Industries & Commerce, A. Temjen Jamir para tai laga key note address tey koishey ki, itu award tohitu entrepreneurs khan nimitey toh hoiley itu Department para initiate kurishey, itu administrative approval logotey, Government of Nagaland laga, itu 2022 laga saal tey para.
Add Comment