Mokokchung Tey, Pre Monsoon Hoa Para, Kheti Khan Aru Saman Khan Pura Biya Kuri Dishey, Longsa Bosti Tey

April 23, 2024 :Nagaland tey olop din agetey dangor hawa pani biya hoi kena, district bishitey affect hoi kena asey, khobor hisap tey, Mokokchung laga Longsa bosti tey dangor pani gira para, landslide khan kheti khan tey bishi flood hoishey. Khobor pawa hisap tey 200 para bhi bishi farmer khan toh affect hoishey itu natural disaster hoa nimitey, kheti khan biyahoa he ekla nahoi kena bosti laga charta pani laga source bhi biya hoa laga jani paishey. Itu situation laga opor tey, District Administration aru Agri Department para 23^rdtey utu jaga tey visit kurishey koishey. Itu ekla nahoi kena. Landslide hoa para raasta khan bi block hoi kena asey aru fishery khan bhi biya kuri dishey.