IMPHAL | Jan 26 (PTI): Manipur Chief Minister N Biren Singh pora January 26 te state te Citizenship Bill logote khilaf Republic day namanaibiole kowa organizations khan ke besi jor pora koise ki tai khan e4lection te namikena manu khan laga monjuri pabo laage.
Bondh aro blockade koriya toh hotai hajira kama khan ke sobse dukh pai, Biren pora koise, tai pora etu bi milai kena koise ki tai pora besi bar organizations khan ke etu nisina protest nakuribo karne koise.
“Moi khan, elected legislators, kono pora manu khan laga monjori pora government bonaise…. Etu bodise khan laga leaders toh election te jai kena fesla lowa meeting khan te bohibo karne manu khan laga monjori pabo laage(jitibo laage),” Biren pora Manipur Rifles Parade Ground te koise.
Panchta nisina organisations, tate United Committee Manipur (UCM), All Manipur United Clubs Organisation (AMUCO) aro Committee of Civil Societies Kangleipak (CCSK) milai kena ekki logote Citizenship (Amendment) Bill 2016 logote khilaf 70th Republic Day laga deyohar namanaibo karne koise.
“Teachers, students aro aalag manu khan ke nijor laga kam koribole dibi,” chief minister pora koise, aro chetauvni dise ki organizations laga etu harkat toh “parallel administration” jola soman ase, kintoh etu toh “thik nahoi”.
Samne laga Mizoram te bi, Governor Kummanam Rajasekharan pora ekdum khali howa nisina ground te kotha korise kile koile civil society groups aro student bodies laga organization, NGO Coordination Committee pora pura state te Republic Day namanaibo karne koise.
Etu diktari bill ke toh, Biren pora koise ki protesters khan pohoila etu bhal sai kena bujibole laage.
State government toh “chup nathakibo juti etu bill manu khan karne khattara hoile,” tai pora koise. Manipur pora bi Centre ke etu kanu laga bithopr te konoba provision thalibole kobo, etu pora citizenship napowa aage te pohoila state government laga iccha lobo laagibo, chief minister pora koise.
Add Comment