GUWAHATI | January 27: Citizenship Amendment Bill nimite Congress president Rahul Gandhi aro senior Assam BJP leader Himanta Biswa Sarma laga majote twitter te kotha laga larai olaise.
Northeast pura jakka te etu Citizenship Bill logote khilaf protest korise kile koiole etu Bill pora Afghanistan, Bangladesh aro Pakistan laga muslim dharma nahowa manu khan ke citizenship dibo.
Rahul Gandhi pora enika bodnam korise ki BJP pora northeast region te politics laga laab nimite etu kam korise. Tai pora tweet korise.
Himanta Biswa Sarma, ekjun former Congress leader kon 2015 te BJP te ahise, pora jawab korise ki besi saal “Northeast laga kola daba” toh Congress ase.
Etu Citizenship Amendment Bill toh Lok Sabha te Parliament laga winter session te pass korise, hoilebi Rajya Sabha te rukhai kena ase. Rajya Sabha te etu nimite voting toh January 31 te shuru howa budget session laga samoy te hobo pare. Northeast khan bhoi ase ki etu Bill pass koriya pora besi manu khan Bangladesh pora ahibo aro indigenous manu khan ke diktar dibo.
Etu Bill pora pura northeast te protests olaise aro Asom Gana Parishad (AGP) ke Assam laga BJP-led government pora bahaar olaibo dise.
Jowa habta, BJP general secretary Ram Madhav toh Assam dara-dari ahise kile koilae Assam laga ruling party pora panchta MLAs pora etu Bill logote khilaf ekdum khola pora koise. Kile koile etu Bill pora Assam Accord 1985, logote khilaf koriye.
Add Comment