New Delhi, April 18 : Kriti Sanon laga Housefull 4 tu 2019 te box-office te ekta superhit thakisey. Aro etu picheyte, tailaga film laga ticket bikri tu komti hoijaisey. Hoilebi, 2024 te Teri Baaton Mein Aisa Ulja Jiya aro Crew film para tailaga bhal homoi ke wapas anidisey. Aro etu film khan nimitey, tai tu Alia Bhatt aro Shraddha Kapoor ke haraikina Rs 1200 crore benchmark pungcha first actress hoisey.
Kriti Sanon para tailaga career tu 2014 te Heropanti film para kurisiley. Aro utu homoi para tai laga career te bhal homoi aro biya homoi lok paisey. Etu saal, tai laga lagatar duita film Teri Baaton Mein Aisa Ulja Jiya aro Crew hit hoisey. Kriti tu etu saal Hindi film industry te 10 saal complete kuribole asey. Aro ekta interview te tai para tailaga etya tak laga journey aro experience share kurisey.
Tai para koisey, “Enaka ekta homoi thakisey jitya ami bisi restless hoijaisey. Kilemaney ami jani thakisey ki ami logotey amilaga ageyte thaka opportunity te ami dikha para bi bisi kabiliyat asey.”
Tai para koisey ki tai tu tailaga talent dikhabole nimitey kiba alag lagi thaksiey. Taikey enaka film lagi thakisey kotey tai ekta actor hoikina tailaga kabiliyat ke aro bisi dikhabo paribo.
Add Comment