New Delhi, April 18 : August 15, 2024 te release hobole thaka Pushpa 2 tu etu saal India laga ekta bisi dangor film asey. Etu film te main role te Allu Arjun, Rashmika Mandanna aro Fahadh Faasil asey. Covid 19 pandemic picheyte Pushpa film tu India te sobsey dangor box office success kama film majotey ekt thakisey. Duniya laga box office te, etu film tu Rs 350 crore opor kamaisiley. Allu Arjun para kamayi kora hisap te Pushpa 2 : The Rise tu RRR logotey almost somman hobole disey.
AAA Films laga Anil Thadani pra 2024 te 4ta dangor South Indian film Pushpa 2, Game Changer, Kalki aro Devara laga distribution rights kiniloisey. Report hisap te, Anil Thadani para Pushpa 2 film ke theatre te release kuribole laga rights tu Rs 200 crore dikina kinisey. Etu tu bisi dangor kimat asey. Pushpa 2 tu 2024 laga sobsey bisi hyped(manu khan ekdam josh para sabole rukhi thaka) film asey . Aro Rs 200 crore dikina etu ke theatre te dikhabole laga rights kiniya para bi etu dikhai asey. Covid 19 laga ageyte South Indian film distribute kuribole nimitey bisi hoisey koilebi Rs 140 to Rs 160 crore tak di thakisey.
Pushpa 2 tu pura duniya te opening din te record bhangabole nisna asey. Pushpa 2 film bana laga budget tu Rs 500 crore maana sey. Taikhan para etu film laga khali ekta sequence nimitey Rs 60 crore khorcha kora nisna asey. Reports hisap te, T-Series para etu film laga global music rights aro Hindi Satellite rights Rs 60 crore para kinisey. Pushpa 2 te amikhan para Allu Arjun(film te Pushpa) aro Fahadh Faasil laga character majotey fight chuli thaka dikhibo. Rashmika Mandanna laga Srivalli laga role te dangor part thakibole asey.
Add Comment